ҚАЛА ӘКІМІ АПАТТЫ ДЕП ТАНЫЛҒАН ҮЙДІҢ ТҰРҒЫНДАРЫМЕН КЕЗДЕСТІ

Бүгін қала әкімі Ғабит Сыздықбеков апатты деп танылған Әлімқұлов көшесіндегі № 34 тұрғын үйдің жағдайымен жіті танысты.
Аталған үй 2017 жылдан бері апатты үйлердің тізімінде. Қазіргі уақытта 1960 жылы салынған 18 пәтерлі баспананың тозығы жетіп, қайта жаңғырту жұмысын қажет етуде. Алайда реновациялау бағдарламасы аясында әлеуетті инвестор тарту мәселе болып тұр.
Қала әкімі бұқараның қауіпсіздігі мен жайлы өмірін қамтамасыз ету басты мақсат екенін айтып, тұрғындардың ұсыныс-тілектерін мұқият тыңдады. Кездесу барысында мәселенің шешімі жан-жақты қарастырылды. Ғабит Әбдімәжитұлы жауаптыларға жергілікті халықтың ұсыныстары бойынша оңтайлы шешім шығаруға тапсырма берді.

• 31.01.2024
• 188