БАӘ-нің Қазақстан Республикасындағы Төтенше және Өкілетті Елшісі Мұхаммед Саид Әл-Арики мырзамен кездесу

 БАӘ-нің Қазақстан Республикасындағы Төтенше және Өкілетті Елшісі Мұхаммед Саид Әл-Арики мырзамен кездесу өткіздім.

Кездесу барысында тараптар өткен жылдың желтоқсан айында Дубай қаласында (БАӘ) 150-ден астам елден келген делегациялар, оның ішінде Қазақстаннан келген делегация қатысқан БҰҰ-ның Климаттың өзгеруі жөніндегі Конференциясының (СОР-28) оң тұстарын атап өттім.

Қазақстан үшін СОР-28 еліміздің көміртегі бейтараптығына қол жеткізу, сондай-ақ климаттың өзгеруінің салдарын жұмсарту бойынша әлеуетті арттыру және жобаларды іске асыру үшін елдермен өзара іс-қимыл жөніндегі өршіл мақсаттары туралы мәлімдеуге тамаша алаң болды.

Айта кету керек, Қазақстан Президенті Қ.К. Тоқаев 2026 жылы Астанада БҰҰ қамқорлығымен Орталық Азия елдерінің өңірлік Климаттық саммитін өткізуді ұсынды. Бұл іс-шара өңірдегі климаттың өзгеруіне қарсы күресте Орталық Азия мемлекеттерінің өзара іс-қимылын одан әрі нығайтуға ықпал ететін болады.

Сондай-ақ, Қазақстан СОР-28 қабылданған міндеттемелер мен іс-қимылдарды қолдайтынын және біз халықаралық әріптестерімізбен, соның ішінде БАӘ-мен халықтарымыз үшін салдарларды жұмсарту және неғұрлым орнықты болашақ құру үшін ынтымақтасуға ниеттіміз деп атап өттім.

Кездесу соңында БАӘ-нің ҚР-дағы Төтенше және Өкілетті Елшісі Мұхаммед Саид Әл-Арики мырза СОР-28 жұмысына белсенді қатысқаны үшін  алғыс хат табыс етіп, екі елдің экологиясы саласындағы ынтымақтастыққа сенім білдірді.

• 31.01.2024
• 238