Марат Қарабаев көлік жөніндегі еурокомиссар Адина Вэлянмен кездесті

Кездесу аясында Қазақстан мен Еуропаның көлік әлеуетін дамытудың негізгі мәселелері талқыланды. Тараптар Транскаспий халықаралық көлік маршрутын дамыту саласындағы ынтымақтастыққа ерекше назар аударды.

Сондай-ақ кездесуге қатысушылар инфрақұрылымды және терминалдық желіні дамыта отырып, аталған халықаралық көлік маршрутты толық жүктеу үшін Еуроодақпен келісімге қол қою мүмкіндігін талқылады.

Бұдан басқа, келіссөздерде теңіз флотын нығайту және Каспийде контейнерлік хаб құру мақсатында ship-or-pay шарттарында Ақтау және Құрық порттарын сенімгерлік басқаруға беру мәселелері қозғалды.

Кездесу соңында Марат Қарабаев А.Вэлянды алдағы 19-21 маусымда Астанада өтетін New Silkway форумына және биыл қыркүйекте өтетін инвестициялық форумына қатысуға шақырды. 

• 01.02.2024
• 186