Қазақстан мен АҚШ-тың Төтенше ведомстволары арасындағы ынтымақтастықты дамыту

ТЖМ-де Төтенше жағдайлар министрі Сырым Шәріпхановтың Аризона штатының Ұлттық гвардиясының бас қолбасшысы генерал-майор Керри Мюленбекпен және Төтенше және Өкілетті Елші
Дэниел Розенблум басқарған АҚШ-тың Қазақстандағы елшілігінің делегациясымен кездесуі өтті.

Тараптар өздерінің төтенше ведомстволарының құрылымы мен құзыреті туралы ақпарат алмасты.

Кездесу барысында министрлік мамандарды даярлау және ведомстволар арасында тәжірибе алмасу бойынша ынтымақтастықты дамытуды ұсынды.

Сондай-ақ, Сырым Шәріпханов Америка тарапының өкілдерін ағымдағы жылдың үшінші тоқсанында жоспарланған «Қазқұтқару-2024» құтқару бөлімшелерінің жыл сайынғы жиын-семинарына қатысуға шақырды.

Кездесу қорытындысы бойынша тараптар азаматтық қорғау саласындағы одан әрі жемісті ынтымақтастыққа үміт білдірді.

• 02.02.2024
• 270