НҚА ӘЗІРЛЕУ ЖӘНЕ ТАЛҚЫЛАУ ҮДЕРІСІНДЕГІ ӨЗАРА ІС-ҚИМЫЛ, МОНОПОЛИЯҒА ҚАРСЫ ЗАҢНАМАНЫ ЖЕТІЛДІРУ АЯСЫНДАҒЫ МЕМОРАНДУМҒА ҚОЛ ҚОЙЫЛДЫ

Қазақстан Республикасының Бәсекелестікті қорғау және дамыту агенттігі мен Kazakhstan Bar Association («KazBar») заң консультанттары палатасы ынтымақтастық және өзара іс-қимыл туралы Меморандумға қол қойылғанын жариялады. Бұл туралы 2024 жылдың 31 қаңтарында Астанада өткен алқа отырысында белгілі болды. Құжатқа Агенттіктің төрағасы Марат Омаров пен KazBar монополияға қарсы комитетінің төрағасы Ақылбек Құсайынов қол қойды.

Басты мақсат - Қазақстан Республикасында бәсекелестікті дамытуға және қорғауға бағытталған әріптестік өзара қарым-қатынастар мен ұзақ мерзімді ынтымақтастықты құру. Бұл ынтымақтастық жұмыс топтары шеңберінде тараптардың өзара іс-қимылын тереңдетуді, Қазақстандағы монополияға қарсы заңнаманы, стандарттарды, ішкі бақылау ережелері мен жүйелерін (монополияға қарсы комплаенс) жетілдіру мақсатында нормативтік құқықтық актілерін әзірлеу және талқылау, құқық қолдану практикасын қалыптастыруды, сондай-ақ конференциялар, дөңгелек үстелдер, вебинарлар сияқты бірлескен зерттеулер, кәсіби іс-шараларды және семинарлар өткізу.

Меморандум тұтастай алғанда Қазақстан Республикасында монополияға қарсы реттеу мәселелері бойынша Агенттік алдына қойылған міндеттерді іске асыруда тәуелсіз сараптамалық қоғамдастықтың рөлін күшейтуді көздейді.

• 05.02.2024
• 164