Қазақстан Республикасы Еңбек және халықты әлеуметтік қорғау министрі Т.Қ. Дүйсенованың Жеңіс күнімен құттықтауы

Құрметті ардагерлер, қадірлі біздің Отан қорғаушылар!

Барша халық үшін ең жарқын әрі қастерлі Жеңіс күні мерекесімен құттықтауымызды қабыл алыңыздар! Бұл күні, біз, соғыста қаза тапқан боздақтарды еске алып, ардагерлерді ардақтай отырып, тыл еңбеккерлеріне құрмет білдіреміз және Жеңіске жетуге аянбай үлес қосқан барлық батырларымызға шексіз алғыс айтамыз.

Бабаларымыздың өткен ерлігі қазіргі ұрпаққа әр отбасының бақыты мен амандығы, көпұлтты еліміздің гүлденуі жолында сарқылмас қуат көзі ретінде күш беруде. Қан майданда жаумен айқасқандармен қатар, тылда бел шешпей еңбектенген аяулы жандар жайлы өнеге-үлгі оқиғалар жадымызда мәңгі сақталып, келесі буынға табысталатын болады.   

Бұл айшықты да мәнді мейрам күні Сіздерге шын жүректен мықты денсаулық, бақ-береке және ұзақ ғұмыр тілеймін. Лайым еліміздің аспаны ашық та тыныш болсын! Бүгінгі бейбіт өмір үшін алдарыңызда бас иеміз!

Ізгі ниетпен

• 05.05.2017
• 11330