ҚМА делегациясы Сент-Джулианс (Мальта Республикасы) қаласында өткен Эгмонт тобының сессияаралық кездесуіне қатысты

Жұмыс сапары барысында Эгмонт тобы комитеті мен қаржылық барлау бөлімшелері басшыларының отырысы өтті. Бірлескен отырыстың шешімімен «Еуразия» тобының өңірлік өкілі болып ҚР ҚМА Төрағасының бірінші орынбасары Ұлан Раисов сайланды. Бұдан басқа, саясат және рәсімдеу, техникалық сәйкестік пен оқыту жөніндегі топтардың төрағалары мен орынбасарлары бекітілді.

Сессияаралық кездесу аясында Әзірбайжан мен Мальта Республикасының ҚББ-мен меморандумдарға қол қойылды. Сондай - ақ, қазақстандық тарап «Еуразия» тобы өкілдерінің қатысуымен жұмыс топтарының отырыстарына белсенді қатысты, онда Эгмонт тобы қатысушыларының ҚББ жұмысының тиімділігін арттыру бойынша жобалар ұсынылды.

Ақпараттық алмасу жөніндегі жұмыс тобында және «Еуразия» өңірлік тобының отырысында виртуалды активтердің айналымына байланысты құқыққа қарсы қызметтің жолын кесу мәселелерінде ҚМА тәжірибесі таныстырылды.

• 09.02.2024
• 180