Сауда министрлігінде цифрлық сауда бойынша консультативтік кеңестің бірінші отырысы өтті

Кеше цифрлық коммерция бойынша консультативтік кеңестің бірінші отырысы өтті. Кеңесте Қазақстандағы электрондық сауда саласын  стратегиялық дамыту және цифрландыру мәселелері талқыланды. Кеңес Қазақстан Республикасының сауда және интеграция министрлігі жанынан 2021 жылдың қаңтарында құрылды. Консультативтік кеңес электрондық цифрлық коммерцияны және коммерциялық бастамаларды дамыту мен басқаруға стратегиялық көзқарасты қалыптастыруға көмектеседі.

Кеңесті ҚР сауда және интеграция Министрі Бахыт Султанов басқарады. BCG, Mastercard, Visa, R3, WEF, Singapore Cooperation Enterprise, Stripe, Shopify сияқты министрліктің 12 халықаралық серіктестері , сонымен қатар  Қазақстаннан- Kaspi.kz, Chocofamily, Arbuz.kz сияқты ірі компаниялардың  өкілдері кеңес мүшелері болып табылады.

Кеше, Қазақстандағы электрондық коммерцияның даму стратегиясы ұсынылған консультативтік кеңестің алғашқы отырысы өтті.

«Консультативтік кеңеске деген сұраныс барлық факторлар кешеніне, соның ішінде мемлекеттер мен компаниялар арасындағы барлық деңгейлердегі ынтымақтастықты ұйымдастыру қажеттілігіне байланысты, және де цифрлық трансформация шеңберінде белсенді халықаралық ынтымақтастық оның ажырамас бөлігі болып табылады. Сондай-ақ, коронавирустық пандемия кезінде цифрлық бастамаларды жүзеге асыруға жағдай жасауда қолдау ғана емес, сонымен қатар халықаралық серіктестікті дамыту да өте маңызды. Кеңес мүшелері бір-бірімен цифрлық жобаларды, ұсыныстарды және стратегиялық пікірталастарды жүзеге асыру тәжірибесімен бөлісіп отыратын болады.»

Кеңестің әр мүшесі стратегияны жетілдіру және жаңа цифрлық бастамалар туралы өздерінің көзқарастарымен бөлісе алды. Мысалы, электрондық коммерция нарығындағы сыртқы ойыншыларға жағдай жасау, ойыншыларды ынталандыру, сондай-ақ электрондық төлемдерді қорғауды қамтамасыз ету, сыртқы сауда процедураларын цифрландыру, тұтынушылар құқығын қорғауды қамтамасыз ету және тағы басқалар.

Кеңес отырысы тоқсанына бір рет өткізілдеі деп жоспарлануда. Ашық форматтағы кеңестің отырыстары барысында стратегиялық серіктестіктер мен Қазақстандағы цифрлық сауданы дамыту бойынша негізгі мәселелерді талқылау жоспарлануда.

• 02.02.2021
• 225