С. Жақыпова Ауған соғысы ардагерлерін құттықтады

Жыл сайын 15 ақпан күні атап өтілетін Кеңес әскерінің Ауғанстаннан шығарылғанына 35 жыл толуына орай ҚР Еңбек және халықты әлеуметтік қорғау министрі Светлана Жақыпова Ауған соғысы ардагерлерімен кездесіп, алғыс хаттар табыс етті.

Ведомство басшысы өз сөзінде ардагерлердің Отан алдындағы қызметі мен адалдығы үшін зор ризашылығын білдірді. Министр олардың ерен ерліктері және патриотизмі жас буын үшін жарқын үлгі болып қала беретінін атап өтті.

Бүгінгі күнде еліміз бойынша Ауған соғысының 20 ардагері әлеуметтік қорғау саласында еңбек етеді.

Естеріңізге сала кетейік, 1989 жылы 15 ақпанда Кеңес әскерінің соңғы контингенті Ауғанстан аумағынан шығарылды. Бұл соғысқа 22 мыңнан астам қазақстандық қатысты, 889 адам қаза тауып, 19 адам хабар-ошарсыз кеткен еді, сондай-ақ 3 мыңнан астам адам мүгедек болып оралды.

• 14.02.2024
• 185