Көктал елді мекенінде өрт сөндіру депосы ашылды.

Көктал елді мекенінде өрт сөндіру депосы ашылды. Өрт сөндіру бөлімі төтенше жағдай орындарына шығу жылдамдығын айтарлықтай арттырады. Жаңа өрт сөндіру депосында негізгі және арнайы мақсаттағы техникалар бар. Өрт сөндіру бөлімінің негізгі ғимаратында шығуға арналған төрт бокс, қызметтік кабинеттер, кеңес залы бар; аумағында оқу мұнарасы, спорт және ойын алаңдары орналасқан.
✔️Сонымен қатар, депо аумағында елордалық гарнизон қызметкерлері үшін 18 қызметтік пәтерге арналған жатақхана қарастырылған.
Өрт сөндірушілеріміз бен құтқарушыларымыз қала тұрғындарына күн сайын көмекке ұмтылады. Олардың қызметі жауапты, күрделі әрі маңызды.
✔️Біз өз тарапымыздан олардың еңбек жағдайларын жақсартуды ары қарай да жалғастырамыз. Мәселен, қазір Үркер елді мекенінде өрт сөндіру депосын салып жатырмыз. Сол сияқты Телман және Интернациональный елді мекендерінде, 28-ші көшеде тағы үш бөлімшені жобалап отырмыз. Өткен жылы департаменттің автопаркін 21 техникамен күшейттік.

• 14.02.2024
• 186