Айдарбек Сапаров сенаторлармен агроөнеркәсіп кешенін дамыту мәселелерін талқылады

ҚР Ауыл шаруашылығы министрі Айдарбек Сапаров Сенаттың Аграрлық мәселелер, табиғатты пайдалану және ауылдық аумақтарды дамыту комитетінің депутаттарымен кездесті. Талқылауға АШМ басшылығы мен сенаторлардан бөлек "Азық-түлік келісім шарт корпорациясы" ҰК" АҚ, "Аграрлық несие ұйымы" АҚ және "Ұлттық аграрлық ғылыми-білім беру орталығы" КЕАҚ қатысты. Кездесудің басты тақырыбы АӨК саласын дамыту мәселелері болды.

Ауыл шаруашылығы министрі Мемлекет басшысының тапсырмаларын орындау мақсатында ведомство салаға ауқымды талдау жүргізіп, бірқатар жүйелі проблемалар мен сала үшін тежеуші факторлар анықталғанын атап өтті. Әсіресе, өсімдік шаруашылығында әртараптандыру үрдісі өз деңгейінде емес. Өйткені, еліміздің негізгі астықты аймақтарында мономәдениет басым. Жоғары рентабельді дақылдарды (майлы дақылдар, қант қызылшасы, мал азығы) дамытуға және суды көп қажет ететін дақылдарды қысқартуға жеткіліксіз көңіл бөлінеді.

Жиында Айдарбек Сапаров қолданылып жатқан агротехнологиялардың жеткіліксіздігін және ауыл шаруашылығы техникасын жаңартудың төмен қарқынын ұмытпауға тиістігін атап өтті. Нәтижесінде ауыл шаруашылығы дақылдарының шығымдылығы 9-10 ц/га-дан аспайды және өндірілген өнімнің өзіндік құны жоғары. Соның салдарынан қазақстандық фермердің көрші елдердің шаруаларымен бәсекелесуге мүмкіндігі жоқ. Сонымен қатар, Айдарбек Сапаров өңдеуші кәсіпорындарды толық пайдаланбау мәселесін көтерді, оның басты себебі – шикізат тапшылығы мен саланы қаржыландырудың төмендігі.

АШМ басшысы Министрлік жергілікті атқарушы органдармен бірлесіп жан-жақты талдау жүргізіп жатқанын да айтты. Алайда, қазіргі таңда ведомствоның басты міндеті көктемгі егіс жұмыстарының уақытылы басталуын және барлық агротехнологиялық талаптардың орындалуын қамтамасыз ету. Сонымен қатар, осы жылы еліміздің бірқатар облыстарында майлы дақылдар егісі ұлғаяды, бұл да назар аударуды және барынша қолдауды талап етеді.

Сонымен қатар, кездесуге қатысушылар Мемлекет басшысының сала алдына қойған және Қазақстанның АӨК дамытудың 2021-2030 жылдарға арналған жаңғыртылған тұжырымдамасындағы негізді міндеттерді де талқыға салды.

• 16.02.2024
• 177