Елді мекендерден 10 миллионнан астам текше метр қар шығарылды

ТЖМ жергілікті атқарушы органдармен бірлесіп су тасқыны кезеңіне дайындық бойынша қажетті іс-шаралар кешенін өткізді.

«Көктем» республикалық командалық-штабтық оқу-жаттығу шеңберінде басқару органдарының күштері мен құралдарының нақты дайындығы тексерілді. Халықты құлақтандыру пысықталды, зардап шеккен азаматтарды жинау пункттері дайындалды.

«Елді мекендерде 114 км уақытша бөгендер салу және үйемелеу, 1 904 км арықтарды, каналдарды, сондай-ақ 5 002 дана авто және темір жолдардағы су өткізу құрылыстарын тазарту нақты түрде жүзеге асырылды. Елді мекендерден 10,5 миллионнан астам текше метр қар шығарылды», - деп ТЖ министрі айтты.

Биыл Ақмола облысындағы Есіл өзенінде Ақмола және Солтүстік Қазақстан облыстарының елді мекендерін су басу қаупін болдырмайтын Есіл су реттегішін салу жоспарлануда.

Республика бойынша 40 су қоймаларын салу керек. Бұл халықтың қауіпсіздігін арттыруға мүмкіндік береді. Бір мезгілде жазғы кезеңде ауыл шаруашылығы алқаптарын суару мәселелерін шешеді.

Республика бойынша 900 автомобиль учаскесі және су басуға бейім алты жүзден астам теміржол учаскесі бар. Жолдарды жөндеу-қалпына келтіру кезінде автомобиль және темір жолдар астындағы су өткізгіш құрылыстардың салынуын көздеу қажет.

• 21.02.2024
• 204