Шығыс Қазақстан облысына жұмыс сапары

Сапар аясында гарнизон жұмысының ерекшеліктерімен танысып, бөлімшелерді, өрт сөндіру бөлімдерін аралап, жеке құраммен кездестім.

Аяз бен қатты боран кезінде Абай облысындағы азаматтарды көмекке келіп, тікұшақпен эвакуациялаған Шығыс Қазақстан облысы әкімдігінің авиациялық бөлімшесінің ұшқыштарына көрсеткен ерлігі үшін медальдар табыс еттім.

Облыс әкімінің орынбасары Бақытжан Байахметовпен бірге су тасқыны кезінде алаңдаушылық туғызатын елді мекендерге барып қайттым. Аэровизуалды тексеру барысында облыс су айдындарының жай-күйіне назар аударылды.

Сондай-ақ, Өскеменде өтіп жатқан өрт сөндіру-құтқару спорты бойынша Қазақстан Республикасының қысқы чемпионатына қатыстым.

Шығыс Қазақстан облысына сапар қорытындысы бойынша мен өңірдің және оның азаматтарының қауіпсіздігін қамтамасыз ету бойынша одан әрі мақсатты жұмыс істеу үшін тиісті тапсырмалар бердім.

• 02.03.2024
• 184