Қазақстан СІМ басшысы Сьерра-Леоне Сыртқы істер министрімен кездесті

Джидда, 2024 жылғы 5 наурыз – Джидда қаласына жұмыс сапары аясында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Сьерра-Леоне Республикасының Сыртқы істер және халықаралық ынтымақтастық министрі Тимоти Каббамен кездесті.

Тараптар ынтымақтастықтың перспективалық бағыттарын анықтау үшін сыртқы саяси ведомстволардың өзара іс-қимылын жандандырудың маңыздылығын атап өтті. Осы тұрғыда тараптар Дипломатиялық паспорттардың иелерін визалық талаптардан босату туралы келісімге қол қоюды құптады.

Дипломаттар IT, энергетика және азық-түлік қауіпсіздігі саласындағы ынтымақтастықты дамытуға қызығушылық білдірді, халықаралық ұйымдар шеңберінде өзара қолдау туралы уағдаласты, сондай-ақ өзара іс-қимылдың барлық салаларын нығайтуға ниетін растады.

• 07.03.2024
• 222