ЕНДІ ЭКСПОРТТАУШЫЛАР "SBERBUSINESS"ПЛАТФОРМАСЫНДАҒЫ ЖАҢА СЕРВИС АРҚЫЛЫ ШЫҒЫНДАРДЫ ӨТЕУГЕ ӨТІНІМ БЕРЕ АЛАДЫ

Бұл Қазақстан Республикасы Cауда және интеграция министрлігі мен "Сбербанк Қазақстан"АҚ ЕБ өзара әрекет ету арқасында мүмкін болды. Бүгін, 2021 жылғы 4 ақпанда, ведомстволар ынтымақтастық туралы Меморандумға қол қойды.

Қазіргі уақытта мемлекет тауарды тасымалдауға, жарнамаға және көрмелерге қатысуға жұмсалған шығындардың бір бөлігін қазақстандық өндіруші-экспорттаушыларға өтейді. Қаржылық қолдау сондай-ақ шетелдегі өкілдіктерді, сауда алаңдарын, қоймалар мен сауда сөрелерін ұстауға бағытталатын болады. Бұдан басқа, өндірушілерге тауар белгілерін тіркеу, франчайзингке рұқсат алу және сертификаттау мен аккредиттеуден өту рәсімдеріне арналған шығындардың бір бөлігі өтелетін болады.

Экспорттаушыларға шығындардың бір бөлігін өтеу тетігін қолдану алғаш рет 2019 жылдың 2-тоқсанында жүзеге асырылды. Бірақ осы процедуралар барысында біз құжаттарды рәсімдеу бойынша бірқатар қиындықтарға тап болдық. Сол кезде процестерді цифрлық сервистерге шығару идеясы пайда болды. Пандемия да өз ережелерін талап етеді: кәсіпкерлер әрдайым құжаттарды жедел тапсыруға мүмкіндігі бола бермейді. Енді қаражатты өтеу туралы өтінішті үйден немесе кеңседен шықпай – ақ онлайн беруге болады, оны қарау мен келісудің барлық кезеңдерін интерактивті режимде қадағалауға болады", - деп түсіндірді сауда және интеграция министрі Бақыт Сұлтанов.

"Меморандумның негізгі мақсаты-отандық өндірушілер үшін экспорттық мүмкіндіктерді дамыту, сондай-ақ Қазақстан мен шет елдер арасындағы тауар айналымының өсуін ынталандыру. Ол үшін біз ең жақсы шешімдерді ұсынуға дайынбыз. Бүгін, 4 ақпанда бизнес пен мемлекет арасындағы ыңғайлы өзара іс-қимыл үшін "SberBusiness" платформасында экспорттаушыларға шығындарды өтеу сервисі іске қосылды. Интеграция арқылы барлық өтінімдер export.gov.kz Қазақстанның сараптамалық порталына түседі. Бұдан басқа, "SberBusiness" онлайн-платформасында FX - платформасында тиімді курстарды алу, валюталық шарттарды тіркеу, ЖАҚ тобында 10 минутқа дейін валюталық аударымдарды жіберу және т.б. сияқты пайдалы құралдар қолжетімді",-деп атап өтті "Сбербанк" АҚ ЕБ Басқарма Төрағасы Ельдар Тенизбаев.

Мемлекеттік бағдарламалардың тұрақты дамуына және осы бағытта ЕДБ-мен белсенді ынтымақтастыққа қарамастан, мұндай цифрлық сервис алғаш рет енгізілді. Оны іске қосу кәсіпкерлер мен мемлекет арасындағы мәселелерді жедел шешуге ықпал етуі тиіс.

Мұндай бизнесті қолдау бағдарламасының аналогтары Канада, Австралия, Ресей, АҚШ және Германияда сәтті жұмыс істейді. ШОБ секторын дамыту жаһандық тұрғыдан басым бағыт болып табылады және Қазақстан да ерекшелік емес. Шағын және орта бизнес – Республика экономикасын дамытудың негізгі драйверлерінің бірі, коронакризис салдарынан зардап шеккен және қолдауды қажет ететін алғашқылардың бірі.

Мәлімет үшін, "QazTrade" сауда саясатын дамыту орталығы " АҚ - ҚР Сауда және интеграция министрлігінің отандық өңделген тауарларды сыртқы нарықтарға ілгерілету жөніндегі операторы - 2021 жылғы 26 қаңтар мен 1 маусым аралығындағы кезеңде шығындардың бір бөлігін өтеуге өтінімдер қабылдаудың басталғаны туралы хабарлады.

• 05.02.2021
• 206