МЕМЛЕКЕТТІК ЖӘНЕ КВАЗИМЕМЛЕКЕТТІК КӘСІПОРЫНДАРДЫҢ ҚЫЗМЕТІНЕ БАҚЫЛАУДЫ ЖЕТІЛДІРУ

Бәсекелестікті қорғау және дамыту агенттігі квазимемлекеттік ұйымдар жүзеге асыратын экономикалық қызмет түрлерін қалыптастыру жөніндегі тетікті қайта қарауды көздейтін Қазақстан Республикасы Президентінің жанындағы реформалар жөніндегі Жоғары Кеңес отырысының 2022 жылғы 5 мамырдағы № 22-01-11.2 хаттамасының 2-тармағын орындау үшін қаулы жобасын әзірледі.

Бұл жоба Мемлекет басшысының тапсырмасында көрсетілген экономикаға мемлекеттің араласу деңгейін төмендету мақсатында ұйымдардың тізімін қайта қарауға бағытталған.

Үкіметтің 2015 жылғы 28 желтоқсандағы № 1095 қаулысына сәйкес, ЭҚЖЖ кодтары мен ұйымдық-құқықтық нысандары бойынша бөлініп, акциялардың елу пайыздан астамы мемлекетке тиесілі ұйымдар үшін қызмет түрлері белгіленеді. Бұл құжат әрбір қызмет түрі бойынша нақты деректердің болмауына байланысты осы ұйымдардың нарықтық әсерін толық талдауға мүмкіндік бермейді.

Ұсынылған қаулы жобасында нақты кодтармен байланыстыра отырып, квазимемлекеттік ұйымдар айналыса алатын қызмет тізбесі нақтыланады. Бұл нарықтың ашықтығы мен бәсекелестігіне, сондай-ақ жеке кәсіпкерлікті дамытуды қолдауға ықпал ететін түрлі салалардағы мемлекеттік кәсіпорындар жүргізетін қызмет түрлерін дәлірек айқындауды қамтамасыз етеді.

Барлық мүдделі тараптарды қаулы жобасын талқылауға қатысуға шақырамыз, онымен «Ашық НҚА» порталында танысуға болады:

https://legalacts.egov.kz/npa/view?id=14972093 

• 13.03.2024
• 185