Уважаемые коллеги, ветераны системы социальной защиты!

Құрметті әріптестер, әлеуметтік қорғау жүйесінің ардагерлері!

Міне, біз, кезекті рет тамаша төл мейрамымыз – Әлеуметтік қорғау жүйесі қызметкерлері күнін атап өтпекпіз! Осы орайда әр сала еңбеккерінің ортақ іске қосқан үлесі өлшеусіз. Есімдеріңіз Қазақстан Республикасы Еңбек және халықты әлеуметтік қорғау министрлігінің шежіресіне алтын әріппен жазылған. Бүгінде қолданыстағы әлеуметтік сақтандыру, зейнетақы жүйесі, әлеуметтік көмек сынды бағыттардың іргетасын қаладыңыздар.

Айтулы мереке Мемлекет басшысының 2011 жылдың 20 қазанындағы Жарлығымен бекітілген болатын. Бұл Елбасының зейнеткерлердің игілігіне қызмет етіп, мүмкіндігі шектеулі адамдарға, көп балалы, аз қамтылған отбасыларға баға жетпес көмек көрсетіп отырған азаматтарға деген құрметі мен қамқорлығы.

Әлеуметтік қызметкерлер күні – еңбек жолы азаматтарға көмек көрсетумен тығыз байланысты адамдардың мерекесі. Өмірде қиын жағдайға тап болған азаматтар әлеуметтік қызметкерлердің қолдауының арқасында күрмеулі мәселелерді оңтайлы шешіп келеді.

Өз міндеттеріңізді орындай отырып, сіздер барлық қамқорлыққа зәру адамдарға мейірімділік пен қайырымдылық, болашаққа деген жарқын үміт сыйлайсыздар. Сіздердің кәсіби қызметтеріңіз ізгілік, төзімділік, мейірімділік, әрдайым қол ұшын беруге дайын елгезектік сияқты адами қасиеттердің негізінде жүзеге асырылады.

Сіздер ең ізгі мамандықтың тізгінін ұстай отырып, халықтың әл-ауқатын көтеруге бағытталған мәселелерді шешуде орасан зор үлес қосып келесіздер.

Бүгін мен әлеуметтік қорғау саласы ардагерлеріне ризашылығым мен алғысымды білдіргім келеді. Сіздердің еңбектеріңіз ең мейірімді, жылы сөздерге лайық.

Барлық әлеуметтік қызметкерлерді кәсіби мерекемен шын жүректен құттықтаймын! Сіздерге ұзақ әрі мәнді өмір, дендеріңізге саулық, жақындарыңыз бен отбасыларыңызға амандық тілеймін!

ҚР Еңбек және халықты әлеуметтік қорғау министрі Тамара Дүйсенова

• 26.10.2017
• 8179