ҒАБИТ СЫЗДЫҚБЕКОВ ФРАНЦИЯЛЫҚ ӘРІПТЕСТЕРІН БІРЛЕСКЕН ЖОБАЛАРҒА ИНВЕСТИЦИЯ ЖАСАУҒА ШАҚЫРДЫ

Бүгін Шымкент қаласының әкімі Ғабит Сыздықбеков Франция бас консулы Фабрис Невемен кездесті. Тараптар екіжақты ынтымақтастықты, соның ішінде білім, медицина, мәдениет, туризм салаларындағы бірлескен жобаларды жүзеге асыру мүмкіндіктерін талқылады.
Қала басшысы мәртебелі мейманның сапары Франциямен экономикалық және мәдени-гуманитарлық ынтымақтастыққа тың серпін беретініне сенім білдірді.
Шымкент – Қазақстанның үшінші мегаполисі және экономикалық дамыған қалалардың бірі, Ұлы Жібек жолының дәл ортасында орналасқан. Біздің басты мақсаттарымыздың бірі - қаламызды өмір сүруге ғана емес, бизнес жүргізуге де қолайлы заманауи мегаполиске айналдыру. Инвестицияларды тарту маңызды бағыттардың бірі, біз француз серіктестерімен бірлесіп жобаларды жүзеге асыруға дайынбыз. Бүгінде мемлекет инвесторлар үшін қолайлы жағдайлар жасауда, инвестицияны қолдау шараларын жетілдіруде. Мен француз компанияларын бірлескен жобаларға инвестиция салуға шақырамын, - деді Ғ. Сыздықбеков.

• 19.03.2024
• 242