C. Жақыпова Наурыз мерекесімен құттықтады

ҚР Еңбек және халықты әлеуметтік қорғау министрі Светлана Жақыпова қазақстандықтарды келе жатқан Наурыз мерекесімен құттықтап, зор денсаулық, бақыт пен құт-береке тіледі.

«Құрметті отандастар, сіздерді көктемнің ең жарқын мерекесі Ұлыстың ұлы күні – әз-Наурыз мейрамымен құттықтаймын!

Бұл шығыс халықтарының ең маңызды мерекесі, табиғат пен өмірдің жаңаруы, мейірім, жақсылық пен достықтың символы. Заманауи Қазақстан үшін бұл айтулы күн барша халықты біріктіретін, татулық пен құндылықтарды насихаттайтын тамаша күнге айналды. Жақсылықтың жаршысы, жаңа жылдың бастауы – Наурыз мейрамы туған жер топырағына құт-береке әкелсін!

Әз-Наурызда елімізде тыныштық болып, халқымыздың ынтымағы мен бірлігі арта берсін! Көктемнің жаңару мерекесінде шаңырақтарыңызда тұрақтылық пен үйлесімділік орнасын!

Шын жүректен сіздерге зор денсаулық, қажымас қайрат, отбасыларыңызға шаттық пен бақ-береке тілеймін. Ұлыс оң болсын, ақ мол болсын!» – деді Светлана Жақыпова мерекелік үндеуінде.

• 20.03.2024
• 212