Елордада ҚМА өкілдерінің М.Ломоносов атындағы Мәскеу мемлекеттік университеті филиалының студенттерімен кездесуі өтті

Агенттік төрағасының орынбасары Қайрат Бижанов студенттерге Экономикалық тергеу және қаржылық барлау қызметінің мақсаты мен міндеттері туралы айтып берді.

ҚМА – өзінің арсеналында көптеген ақпараттық-талдамалық мүмкіндіктерге ие прогрессивті, кәсіби, интеллектуалды қызмет, - деді Қ.Бижанов.

Ол, сондай-ақ, Қаржылық мониторинг агенттігінің өз қатарына заманауи технологияларды меңгерген техникалық түлектерді қабылдауға дайын екенін атап өтті.

Сонымен қатар, жедел бөлім бастығының орынбасары Аслан Кеңес студенттерге дәріс оқып, экономикалық қылмыстардың заманауи схемаларына тоқталып, студенттердің бірқатар сұрақтарына жауап берді. Филиал басшылығы кездесуге қатысушылардың жоғары қызығушылығын және студенттердің болашақ кәсіптік жолын анықтау үшін мұндай іс-шаралардың маңыздылығын атап өтті.

• 03.04.2024
• 212