«Қоршаған ортаны қорғаудың ақпараттық-талдау орталығы» «Жаңа экологиялық кодекстің нормаларын түсіндіру» тақырыбында семинарлар өткізеді

Қазақстан Республикасы Экология, геология және табиғи ресурстар министрлігінің «Қоршаған ортаны қорғаудың ақпараттық-талдау орталығы» ШЖҚ РМК 2021 жылдың 10 ақпанынан бастап «Жаңа экологиялық кодекстің нормаларын түсіндіру» тақырыбында семинарлар сериясын бастайды.

Аталған семинарлар Қазақстан Республикасының жаңа Экологиялық кодексіндегі нормаларды кәсіпорындар, экология департаменттері, жергілікті атқарушы билік органдары, үкіметтік емес ұйымдар қызметкерлеріне, сондай-ақ жоғары оқу орындарының оқытушыларына түсіндіруге бағытталған. Дәріскер ретінде семинарларға Экология, геология және табиғи ресурстар вице-министрі, Экологиялық реттеу және бақылау комитетінің төрағасы мен төрағаның орынбасарлары, сондай-ақ жаңа экологиялық кодексті әзірлеу жөніндегі жұмыс тобының мүшелері шақырылады.

«Қоршаған ортаны қорғаудың ақпараттық-талдау орталығы» ШЖҚ РМК ұйым қызметкерлеріне ZOOM конференциялары арқылы интерактивті онлайн семинарлар түрінде жоғары білікті дәріскерлермен оқуға қолжетімділікті ұсынады.

Семинарларға қатысу үшін Біліктілікті арттыру басқармасының pkk.iacoos.kz. сайтында онлайн тіркеуді толтыру қажет.

Толық ақпарат алу үшін және барлық сұрақтар бойынша мына телефондарға 8 (7172)72-53-87, +7 701 218 80 53  және pkkiac@mail.ru. электрондық мекенжайына хабарласуға болады.

• 08.02.2021
• 355