Сауда және интеграция министрлігі су тасқынынан зардап шеккен өңірлердегі бағаларға мониторинг жүргізуде

Министрлік су тасқынынан зардап шеккен облыстарда азық-түлік тауарларымен, оның ішінде ӘМАТ-пен қамтамасыз ету жағдайын бақылауда.

Алдын ала деректер бойынша су басқан өңірлерде 80 сауда нысаны зардап шекті (Павлодар облысында - 1, Қостанай облысында - 22, Ақтөбе облысында - 9, Атырау облысында - 35, Батыс Қазақстан облысында - 13 нысан). Залал сомасы нақтылануда. Қалған өңірлерде жағдай тұрақты.

Министрлік ірі сауда желілерімен бағалардың тұрақтылығын қамтамасыз ету қажеттілігі және зардап шеккен өңірлерде азық-түлік тауарларын жеткізудегі іркілістер туралы уақтылы хабарлау қажеттігі туралы түсіндіру жұмыстарын жүргізді.

Бағаның өсу фактілері анықталған жағдайда 8 (7172) 74-37-35 нөмірі бойынша, тауарлар тапшы болған жағдайда 8 (7172) 74-39-34 нөмірі бойынша хабарласуыңызды сұраймыз.

• 09.04.2024
• 184