Корпоративтік қауіпсіздік жөніндегі үйлестіру кеңесінің отырысы барысында ҚМА өкілдері «Самұрық-Қазына» ҰӘҚ» АҚ қауіпсіздік бөлімшелері мен комплаенс-қызметтерінің басшыларымен Қордың еншілес ұйымдарында экономикалық және қаржылық құқық бұзушылықтарға жол бермеу жөніндегі ынтымақтастық мәселелерін талқылады.

Тараптар экономикалық және қаржылық құқық бұзушылықтарға әкеліп соғатын себептер мен жағдайларды жою жөніндегі іс-шараларға белсенді ат салысуын атап өтті.

Жиналыс барысында арнайы құрылған бірлескен жұмыс тобы шеңберінде іске асырылатын Қор құрылымдарындағы экономикалық және қаржылық құқық бұзушылықтардың алдын алу және оларға жол бермеу жөніндегі бірлескен іс-қимылдар алгоритмі әзірленді.

Бұдан басқа, Қор қызметінде заңнамалық және өзге де нормативтік-құқықтық актілерді іске асыру кезінде туындайтын проблемалық мәселелерді қарау кезінде келісілген шешімдерді әзірлеу үшін тұрақты бірлескен кездесулер өткізу жоспарланып отыр.

Осылайша, Үйлестіру кеңесі шеңберінде ҚМА мен «Самұрық-Қазына» ҰӘҚ» АҚ өзара іс-қимылы түбегейлі жаңа деңгейге көтерілді.

• 25.04.2024
• 179