ТЖ министрлігінде алқа отырысы өтті

5 ақпанда ТЖ министрлігінде Премьер-Министрдің орынбасары Роман Склярдың қатысуымен ТЖМ, ведомстволары мен аумақтық бөлімшелерінің 2020 жылдағы қызметінің нәтижелері және  алдағы кезеңге қойылатын басым міндеттері,ТЖМ Дағдарыс жағдайларында басқару орталығы мен облыстардың, республикалық маңызы бар қалалардың және астананың Төтенше жағдайлар департаменттерінің дағдарыс жағдайларындағы басқармаларының 2030 жылға дейінгі дамыту жобасы, азаматтық қорғау органдарындағы тәртіптің, заңдылықтың және сыбайлас жемқорлыққа қарсы іс-қимылдың жай-күйі туралы ТЖМ кеңейтілген алқа отырысы өтті.

Кеңес жұмысына орталық аппараттың құрылымдық бөлімшелерінің бастықтары (басшылары), ведомстволардың төрағалары, ТЖД және ӨҚД бастықтары (басшылары), ведомстволық бағынысты мекемелер мен ұйымдардың басшылары қатысты.

Осылайша, 2020 жылы құтқару бөлімшелері өртке және авариялық-құтқару жұмыстарына 71,7 мың рет шығу жасап, шамамен 14 мың адамды құтқарды, төтенше жағдайлар аймағынан 19 мың адамды эвакуациялады, 4 мың зардап шеккен адамға алғашқы медициналық көмек көрсетті.

Отырыс қорытындысы бойынша Премьер-Министрдің орынбасары Роман Скляр табиғи және техногендік сипаттағы төтенше жағдайлардың алдын алу шараларын уақтылы қабылдауды тапсырды. Алқа отырысының соңында  хаттамалық шешім қабылданды. 

• 09.02.2021
• 261