Жеңіс мерекесі мен Отан қорғаушылар күні құрметіне арналған салтанатты жиналыс

Астанада біздің ардагерлер мен прокуратура органдарының қызметкерлері Р.Қошқарбаевтың «Халық Қаһарманы» ескерткішіне гүл шоқтарын қойып, Ұлы Отан соғысы майданында қаза тапқан қазақстандық жауынгерлерді  еске алды.

Сонымен қатар, Бас прокуратурада Жеңіс күні мен Отан қорғаушылар күніне арналған салтанатты жиын өтті.

Бұл мерекелік даталардың тарихи маңыздылығы сөзсіз. Бұл күндері тарих беттерін, батырларымыздың ерліктерін еске алу әдетке айналған.

Майдангерлер арасында Қазақстанның прокуратура органдарынан майданға кеткендер аз емес.

Олардың қатарында: Ұлы қолбасшы Бауыржан Момышұлы, Кеңес Одағының Батырлары Нұркен Әбдіров, Мұса Баймұханов және басқалар бар. ҰОС қатысушысы 18 жыл Қазақ КСР прокуратурасын басқарған Қызыл Жұлдыз орденінің иегері Өтеген Сейітов болып табылады.

Өткен жылы 100 жасқа толған біздің ардагеріміз, «Халық Қаһарманы» Иван Степанович Гапичтің жауынгерлік айбынын прокуратура мақтан тұтады.

Біз олардың ерліктеріне тағзым етеміз және шынайы патриотизмнің үлгісі деп санаймыз. Біз майдангер ардагерлеріміз үшін шын жүректен мақтанамыз. Олар туралы жарқын естелік біздің жүрегімізде мәңгі орын алды.

Мереке құрметіне Мемлекет басшысы прокурорлардың заңдылық пен құқықтық тәртіпті нығайтудағы еңбегін атап өтті.

Президенттің Жарлығымен прокуратураның бірқатар қызметкерлері жоғары басшы құрамының сыныптық шендерімен және мемлекеттік наградалармен марапатталды.

Сондай-ақ, менің бұйрығыммен прокуратура органдарының бірқатар ардагерлері мен қызметкерлері көтермеленді.

• 09.05.2024
• 237