Turan-Astana University алаңында Қаржылық мониторингі агенттігі өкілдерінің еліміздің барлық өңірінен елордаға келген Республикалық пәндік олимпиадаға қатысушылардың ғылыми жетекшілерімен кездесуі өтті.

Шара барысында ҚМА ресми өкілі Әлібек Әбділов Агенттіктің ағымдағы қызметі, экономикалық және қаржылық қылмыстардың алдын алу мен оған қарсы күрес саласындағы аналитикалық құралдарының мүмкіндіктері туралы айтты.

Сонымен қатар, қатысушылар қаржы пирамидаларымен, құмар ойындарға тәуелділікпен күресу мәселелерін, сондай-ақ ЖОО түлектерін қаржылық мониторинг органдарына жұмысқа орналастыру мүмкіндіктерін талқылады.

Қатысушылар осындай кездесулерді еліміздің барлық университеттерінде өткізуді ұсынды.

Өз кезегінде білім мекемесінің басшылығы түлектерге арналған дәріс форматындағы мұндай кездесулердің маңыздылығын атап өтті.

• 10.05.2024
• 249