ТЖ министрлігі тұрғын үй секторында алдын алу жұмыстарын жалғастыруда

Жылыту маусымы кезінде ТЖ министрлігі тұрғын үй секторында алдын алу жұмыстарын жүргізуде.

Халықтың әлеуметтік осал топтарының 119 мыңға жуық тұрғын үйлері есепке алынды, 300 мыңнан астам азаматқа нұсқау берілді. Аралау кезінде 83 мыңнан астам өрт қауіпсіздігі талаптарын бұзушылық анықталды, оның ішінде 33 мыңы сол жерде жойылды.

Халықтың әлеуметтік осал топтарының тұрғын үйлерінен басқа, алдын алу жұмыстарымен ТЖ туындауға бейім автономды жылыту жүйелері бар тұрғын үйлер қамтылды. Бүгінгі күні 1 млн.600 мыңнан астам үй өтіп, оның барысында 3 млн. астам азаматқа нұсқау берілді. 397 мың үйде 580 мың бұзушылық анықталды, сол жерде 231 мың бұзушылық жойылды.

Айта кету керек, бұзушылықтардың 90%-ы электр желілері мен электр жабдықтарын, автономды жылыту жүйелерін пайдалануға байланысты.

Жергілікті атқарушы органдардың қаражаты және демеушілік көмек есебінен тұншықтырғыш газбен немесе жану өнімдерімен улану тәуекелдерін төмендету үшін 2020 жылғы 1 маусымнан бастап 19 мың датчик орнатылды.

• 09.02.2021
• 234