Арман Шаққалиев «Amanat» партиясының алаңында азаматтарды онлайн қабылдады

Сауда және интеграция министрі Арман Шаққалиев «Amanat» партиясы ұйымдастырған азаматтарды онлайн қабылдауды өткізді. Кәсіпкерлер мен тұтынушылар министрге тікелей сұрақтарын қойып, өтініштерін жеткізді.

Қабылдау барысында «Грин ХабТараз» КТО жобасын іске асырып жатқан бизнес өкілі бұл бастамаға қалай келгенін айтып берді. Пилоттық жоба отандық ауылшаруашылығы өнімдерін сатып алу және оны ішкі нарықта сату үшін қажетті инфрақұрылым объектісін салуды көздейді. Сондай-ақ, қазақстандық өнімді экспортқа шығаруды мүмкіндік береді. Кәсіпкердің айтуынша, нысан құрылысына жер телімін сатып алып, жобалау-сметалық құжаттама әзірленді, мемлекеттік сараптама жүргізілді.

Өз кезегінде Арман Шаққалиев Сауда және интеграция министрлігіне жүгінгені үшін кәсіпкерге алғысын білдірді, өнімді өндірушіден ритейлге дейін сатудағы жобаның маңыздылығы мен перспективасы жайында, сондай-ақ бизнесменге мемлекеттік қолдаудың қазіргі шаралары туралы айтып берді.

«Министрлік жақында ғана ішкі сауда субъектілеріне мемлекеттік қолдау шараларын ұсыну құзыретіне ие болды. Осы кезеңде Ішкі сауда субъектілерін мемлекеттік қолдау шаралары көзделген отандық саудагерлерлерді мемлекеттік қолдау қағидаларының жобасы әзірленді. Сіздің жобаңыз мемлекеттік қолдау алушыларға қойылатын талаптарға, шарттарға сәйкес болып жатса, оны қарауға дайынбыз. Біз сіздің жобаңызды Қазақстандағы банк ұйымдарымен және Қытайдағы инвесторлармен кездесуде жариялайтын боламыз», - деп атап өтті Арман Шаққалиев.

Ал Шығыс Қазақстан облысының тұрғыны министрге тұтынушылардың құқықтары бұзылып жатқанын айтты. Оның хабарлауынша, кейбір дүкендерде тауарларды сату талаптарды сақталмайды. Мысалы, мерзімі өткен өнімдерді сату, тұтынушылардың құқықтарын бұзу, сатушылар мен дүкендердің меншік иелері заңнаманы бұзу фактілерін мойындаудан бас тартуы сияқты фактілер орын алған..

Өз кезегінде министр Тұтынушылардың құқықтарын қорғау комитетіне ШҚО-дағы бұзушылықтарды анықтап, тиісті жұмыс жүргізуді тапсырды.

«Бұдан басқа, осындай фактілерді одан әрі анықтау үшін сіздердің өңірлеріңіздегі тұтынушылардың құқықтарын қорғау жөніндегі қоғамдық бірлестікке кіруді ұсынамын», - деп кеңес берді Арман Шаққалиев.

Онлайн-қабылдау барысында қойылған барлық сұрақтардың орындалуын қамту үшін хаттамаға енгізілді. 

• 24.05.2024
• 220