СТЕЙКХОЛДЕРЛЕР ФОРУМЫ: "ҚАЗАҚСТАНДАҒЫ АТОМ ЭНЕРГЕТИКАСЫН ДАМЫТУ ПЕРСПЕКТИВАЛАРЫ"

28 мамырда Астанада Энергетика министрлігінің қолдауымен Қазақстан Республикасында атом электр станциясын салу жөніндегі жобаның алғашқы стейкхолдерлер форумы өтті. Аталған іс-шараны "Қазақстандық атом электр станциялары" ЖШС ұйымдастырды.

Форум Қазақстанның ядролық бағдарламасын дамытуға қатысатын түрлі салалар мен бағыттардың өкілдерін біріктірді. Алаң аясында мамандар энергетиканың қазіргі жай-күйін, экономиканың тұрақты дамуын қамтамасыз етудегі атом энергетикасының рөлін, сондай-ақ атом энергиясын бейбіт мақсатта пайдалану және кадрлар даярлау жөніндегі еліміздің тәжірибесін талқылады.

Сөз сөйлеу барысында Институттың бас директоры Саябек Сахиев атом энергиясын бейбіт мақсатта пайдалану бойынша еліміздің орасан зор тәжірибесін атап өтті, атап айтқанда, бұл ядролық физика институтының базасында жүргізіліп жатқан жұмыстар, институтта 57 жыл бойы ВВР-К ғылыми-зерттеу реакторы табысты жұмыс істеп келеді.

Ядролық физика институты Атом саласы үшін, атап айтқанда АЭС үшін болашақ мамандарды практикалық даярлау үшін барлық қажетті базаға ие. Мамандарды даярлау үшін практикалық база ретінде зерттеу стационарлық реакторы, сыни стенд, түрлі типтегі үдеткіштер пайдаланылады. Институт базасында МАГАТЭ мен АҚШ ЭМ қолдауымен ашылған үш оқу орталығы жұмыс істейді, олардың қызметі елдің атом саласы үшін кадрлар даярлауға бағытталған. Институт базасында Қазақстанның атом саласы үшін 300 — ден астам ғылым кандидаттары мен докторлары дайындалды-деп атап өтті институттың бас директоры Саябек Сахиев өз сөзінде.

Айта кетейік, бұл форум Қазақстан Республикасының атом энергетикасы саласындағы өзекті мәселелерді талқылау және тәжірибе алмасу үшін маңызды алаң болып табылады

• 31.05.2024
• 224