Мәлік Ғабдуллин атындағы Азаматтық қорғау академиясының түлектеріне шендерді табыс еттім

Қалыптасқан дәстүр бойынша Астана қаласындағы «Атамекен» этно-мемориалдық кешені маңында Мемлекеттік туды көтеру салтанатты рәсімінде еліміздің әскери жоғары оқу орындарының 4 түлегі Илья Верник, Темірлан Шәріпбаев, Әділхан Сабыр, Дәурен Қадыр Төтенше жағдайлар министрі Шыңғыс Әріновтың қолынан алғашқы офицерлік шенін алды.

Азаматтық қорғау сержанты Илья Верник 2003 жылғы 19 мамырда Қарағанды облысында туған. Оқу тобының бөлім командирі. Бақылау және профилактикалық қызметті ұйымдастырумен байланысты пәндерге бейімділігін көрсете отырып, оқу бағдарламасының теориялық және практикалық курсын «өте жақсы» деген бағамен меңгерді. Академия аумағында да, одан тыс жерлерде де өткізілетін ғылыми конференцияларға қатысты. Қызмет барысында ТЖ министрінің алғыс хатымен, сондай-ақ Академия бастығының алғыс хатымен марапатталды. Тәуліктік наряд құрамында адал қызмет атқарғаны үшін көтермеленді. Жеке құрамды басқару дағдыларына ие, қызметтік міндеттерді орындау үшін ұжымды ұйымдастыра алады. Жалпы тиянақты, тапсырманы егжей-тегжейлі мұқият орындайды.

Азаматтық қорғау кіші сержанты Темірлан Шәріпбаев 2001 жылғы 29 қаңтарда Ақмола облысында туған. Академияның өрт-құтқару спорты бойынша құрама командасының өнер көрсетуде. Өрт-құтқару спорты бойынша спорт шеберінің кандидаты. Академияға оқуға түскенге дейін Ақмола облысының әкімі суға батып бара жатқан адамды құтқарғаны үшін медальмен марапаттаған. Үздік дипломға үміткер.

Қатардағы жауынгер Әділхан Сабыр 2003 жылғы 7 қарашада Қарағанды облысында туған. Қазақ күресі бойынша спорт секциясында өнер көрсетеді. Облыстық және республикалық жарыстар мен чемпионаттардың бірнеше мәрте қатысушысы. Қазақ күресі бойынша «спорт шеберінің кандидаты» спорттық разряды бар.

Азаматтық қорғау қатардағы жауынгері Дәурен Қадыр 2004 жылғы 10 наурызда Алматы облысында туған. Армрестлинг және гір спорты спорт секциясында өнер көрсетеді. Облыстық және республикалық жарыстар мен чемпионаттардың бірнеше мәрте қатысушысы. Гір спортынан «спорт шеберінің кандидаты» спорттық разряды бар. Ақмола облысының қатысушылары арасындағы Жігіт сұлтаны байқауының жеңімпазы.

• 04.06.2024
• 183