ЕАЭО алаңындағы стратегиялық ынтымақтастық туралы

4 ақпанда Алматыда ҚР Сауда және интеграция министрі Бақыт Сұлтановтың ЕЭК Техникалық реттеу жөніндегі министрі Владимир Назаренкомен кездесуі болып өтті.

Кездесу барысында стратегиялық ынтымақтастық және ЕАЭО-ға қатысушы елдер арасында туындайтын саудадағы кедергілерді алып тастауды тараптардың келісу процестерін жеделдету жөніндегі бірқатар өзекті мәселелер талқыланды.

ЕАЭО базасында Одаққа кіретін елдер арасында толыққанды ортақ өнім нарығы құрылып, жұмыс істейтіні белгілі. Одақтың техникалық регламенттерінде міндетті талаптарды белгілеу және стандарттарды қолдану арқылы өнімнің ортақ нарықтағы қауіпсіздігі, сондай-ақ тауарлардың еркін қозғалысының негізгі шарттарының бірі қамтамасыз етіледі.

Жаңа әлеуметтік-экономикалық тегеуріндермен сипатталатын қазіргі заманғы әлемнің талаптарына сәйкес қатысушы елдер маңызды қадамды іске асыру - Одақтың негізгі мақсатына жедел қол жеткізу және бірлестікті дамыту үшін интеграциялық бірлестіктің тиімді жұмыс істеуін қамтамасыз ету мүмкіндіктерін талқылауда. Бұл мәселеде тараптарға «жағалауда уағдаласу» және техникалық реттеу мен метрология саласында пайымның жалпы көкжиегін нақты белгілеу қажет.

Техникалық регламенттердің мемлекетаралық стандарттармен қамтамасыз етілу деңгейін барынша арттыру қажет.

Метрология саласында үлкен мәселелер пулы талқыланды. Қазақстан жалпы алғанда ЕАЭО шеңберінде өлшем бірлігін қамтамасыз ету жөніндегі келісілген саясат пен міндеттерді өзектендіру қажеттілігін қолдайды.

Сондай-ақ, мақсаты техникалық реттеу процестерін цифрландыру болып табылатын «ЕАЭО цифрлық техникалық реттеу» жобасы қаралды. Осы жобаны іске асыру сәйкестік рәсімдерін өткізуге жұмсалатын шығынды азайтуға айтарлықтай әсер етеді. Айта кетейік, ИСМ ҚазСтандартты Қазақстанда жобаны іске асыруға жауапты деп белгіледі. ҚазСтандарт құрылатын консорциумға қатысады және тиісті негіз құраушы құжаттарды әзірлеуге белсенді қатысады.

• 10.02.2021
• 233