БӘСЕКЕЛЕСТІК ҚҰҚЫҚТЫҢ ЖАҢА МАГИСТРЛЕРІ

6 маусымда MAQSUT NARIKBAYEV UNIVERSITY-де «Бәсекелестік құқық» білім беру бағдарламасы бойынша қорытынды аттестаттау комиссиясының отырысы өтті. Жиналыс барысында бәсекелестік саласындағы заңнаманы жетілдіруге бағытталған магистрлік жобалар қорғалды.

Комиссия отырысын БҚДА-ның бәсекелестікті стратегиялық дамыту департаментінің директоры Арсен Ысқақов басқарды. Магистрлік жобаларда картельдерге қарсы күрес, монопсонияны анықтау үшін құралдар әзірлеу, талдау нәтижелеріне сотқа дейін шағымдану, жосықсыз бәсекелестік белгілерін, көлденең бәсекелестікке қарсы келісімдерді, сондай-ақ мемлекеттік органдардың бәсекелестікке қарсы іс-қимылдарын анықтау кезінде тауар нарықтарына талдау жүргізу контекстінде мемлекеттік сатып алу туралы заңнаманы жетілдірудің маңызды мәселелері қаралды.

Қорғау қорытындысы бойынша комиссия барлық кандидаттарға құқық магистрі дәрежесін беру туралы шешім қабылдады. Бұдан басқа, бәсекелестік құқық саласындағы құқық қолдану практикасын жақсартуға бағытталған БҚДА үшін ұсынымдар әзірленді.

• 17.06.2024
• 112