БҚДА МЕН ДСҰ ӨЗАРА ЫНТЫМАҚТАСТЫҚТЫ НЫҒАЙТУДА

Қазақстан Республикасының Бәсекелестікті қорғау және дамыту агенттігінің (БҚДА) қызметкерлері 6-12 маусым аралығында Дүниежүзілік сауда ұйымы (ДСҰ) өкілдерімен жұмыс кездесуін өткізді. Кездесу Қазақстанның ДСҰ-ға мүше болғаннан кейінгі алғашқы сауда саясатын шолу аясында ұйымдастырылды.

ДСҰ Хатшылығының өкілдері, соның ішінде Сауда саясатын шолу бөлімінің кеңесшісі Рикардо Барба мен сауда саясаты бойынша сарапшы Розен Маринов, Қазақстанның мемлекеттік органдарымен бірқатар кездесулер өткізіп, бәсекелестік саясаты саласындағы негізгі мәселелерді талқылады.

Кездесу барысында БҚДА қызметкерлері бәсекелестік саясатына қатысты мәселелерді талқылап, Қазақстан Республикасы Президентінің Жарлығымен басталған экономиканы либерализациялау реформаларының маңыздылығын атап өтті.

Кездесу нәтижесінде Қазақстанның сауда саясатының келесі шолулары аясындаДБСҰ мен БҚДА арасында тығыз ынтымақтастықты жалғастыру туралы келісімге жасалды. Бұл ынтымақтастық Қазақстанның жаһандық сауда жүйесіне интеграциялануында және сауда тәжірибелерінің ашықтығы мен әділдігін нығайтуда маңызды рөл атқарады.

• 17.06.2024
• 89