Шетелдік инвесторлар кеңесінің өкілдері жергілікті қамтуды дамыту жайын талқылады

2021 жылғы 8 ақпанда Шетелдік инвесторлар кеңесімен бірге жергілікті қамтуды дамыту шағын тобының отырысын өткіздім. Олардың ішінде Exxon Mobil, Шелл Қазақстан, Eni, Total сияқты ірі кәсіпорындардың өкілдері болды.

Бұл жұмыс Шетелдік инвесторлар кеңесі мүшелерімен кездесу барысында Қазақстан Республикасының Президенті берген тапсырмасына сәйкес жүргізіледі.

2020 жылғы 27 қарашада ҚР Премьер-Министрінің өкімімен мұнай-газ саласының бәсекеге қабілеттілігін арттыру мәселелері жөніндегі жұмыс тобы құрылды.

Бұл жұмыс тобы 2021 жылғы 1 наурызға дейін шетелдік инвесторлармен келісілген ұсыныстар әзірлеуі қажет.

Шағын топ жұмысының қорытындысы бойынша елішілік құндылықты дамыту жөніндегі жол картасы әзірленеді. Соның шеңберінде жергілікті қамтуды дамытудың халықаралық тәжірибесіне қатысты шетелдік инвесторлардың ұсыныстары, шетелдік инвесторлардың күрделі шығындарын азайтуға мүмкіндік беретін қолдау шаралары және басқалары көрсетіледі.

• 10.02.2021
• 329