Қала әкімі Ғ. Сыздықбеков қала күні қарсаңында Еңбекші ауданы тұрғындарымен бірлесе жаңа саябақтың ашылуына қатысты.

Қала әкімі Ғ. Сыздықбеков қала күні қарсаңында Еңбекші ауданы тұрғындарымен бірлесе жаңа саябақтың ашылуына қатысты. Сайрам, Жібек жолы көшелерінің қиылысында қала халқы мен қонақтарының демалуына арналған тағы бір жаңа қоғамдық алаң қолданысқа берілді. Бұрын бұл жерде сауда нысандары заңсыз орнатылған.

Қазір шамамен 10 000 шаршы метр аумақта шағын архитектуралық пішіндер, табиғи тастан жасалған орындықтар, жарықтандыру шамдары орнатылып, көгал төселіп, 200-ден астам ағаш отырғызылды. Жалпы, жасыл аумақ шамамен 7500 шаршы метрді құрайды. Балаларға арналған екі ойын алаңы бар. Саябақтар мен гүлзарларды бірегей стильде жасалынған.
Жоба бизнестің әлеуметтік жауапкершілігі аясында жүзеге асырылды. Демеушілер мен мердігер компания өкілдеріне атқарылған жұмыстар үшін алғысын білдірді.
Негізгі мақсаты – қаланы халықтың өмір сүруіне барынша қолайлы ету және алдағы уақытта тұрғындар көп шоғырланатын орындарды көгалдандырып, жаңарту жұмыстарын жалғастыратын болады.

• 20.06.2024
• 194