Шымкент қаласының әкімі Ғ.Сыздықбеков Ұлағат шағын ауданындағы кәріз желілерінің жай-күйін тексерілді.

Шымкент қаласының әкімі Ғ.Сыздықбеков  Ұлағат шағын ауданындағы кәріз желілерінің жай-күйін тексерілді. Нысанға 2021 жылы құрылыс жұмыстары жүргізіліп, 2022 жылы қабылдау актісіне қол қойылған. 
Бүгінгі таңда, Мердігер ұйымның немқұрайлығына байланысты құрылыс-монтаж жұмыстары кезінде көптеген кемшіліктер орын алған. Мәселен, Баянды, Ақбұлақ, Ақсарай және Көкөзен көшелерінде жалпы ұзындығы 700 метрге жуық кәріз құбыры жүргізілмеген. Кейбір көшеде құбыр биік жерге орнатылғаны және кәріз-сорғы станциясы мүлде іске қосылмағаны анықталды. Кәріз құдықтары қоқыспен толтырылған. Жұмыс аяқталғаннан кейін де компания бірнеше көшеде қазылған жолды қалпына келтірмеген. 
Сонымен қатар, Сарышаған көшесінде тұратын "Тәуелсіздікке 20 жыл" тұрғын үй алабы тұрғынының өтініші назардан тыс қалмады. Заңнамаға сәйкес азаматтар өз есебінен ішкі инфрақұрылымды жөндеуге міндетті. Оған қарамастан, жауапты тұлғаларға тұрғынға көмектесуді және сумен жабдықтауды жедел қалпына келтіруді тапсырылды. 
Одан әрі Жаңаталап тұрғын алабындағы, Қонаев даңғылындағы, Володарский көшесінің қиылысындағы көпірлердің құрылысын тексеру жұмыстары жүргізілді. Мердігер ұйым өкілдеріне барлық жұмысты сапалы және мерзімінде аяқтауды тапсырылды.

• 10.07.2024
• 118