БҚДА «ХАЛЫҚПЕН БІРГЕ!» БАҒДАРЛАМАСЫ АЯСЫНДА НАРЫҚТАРДАҒЫ 5 КЕДЕРГІНІ ЖОЙДЫ

«Amanat» партиясының 2023-2027 жылдарға арналған сайлауалды бағдарламасын орындау аясында Қазақстан Республикасы Бәсекелестікті қорғау және дамыту агенттігі бәсекелестікті дамытуға кедергі келтіретін кемінде 10 кедергіні жыл сайын азайту міндетін өзіне алды.

Алғашқы нәтижелер қазірдің өзінде көрініп тұр: 2024 жылдың 1 шілдесіне қарай Денсаулық сақтау, ТКШ, агроөнеркәсіптік кешен, байланыс, электр энергетикасы, мұнай өнімдері және авиатасымалдауды қоса алғанда, экономиканың түрлі салаларына қатысты 5 маңызды тосқауыл жойылды.

Негізгі өзгерістерге мыналар жатады:

- ҚР «Халық денсаулығы және денсаулық сақтау жүйесі туралы» кодексінен медициналық техниканы бағалық реттеу туралы нормаларды алып тастау, бұл саладағы бәсекелестік пен инновацияны ынталандырады;

- Қалалық инфрақұрылымды басқарудың тиімділігін арттыратын жұмыс түрлерін бөлу туралы ережелерді жасыл желектерді құрудың, күтіп-ұстаудың және қорғаудың үлгілік қағидаларына енгізу;

- Зертханалық зерттеулердің нәтижелері негізінде санитарлық-қорғау аймақтарының шекараларын қысқарту мүмкіндігін реттеу;

- «Chrome» мобильді шолғышында міндетті екі факторлы таңдау терезесін енгізу, бұл пайдаланушы деректерін қорғауды күшейтеді;

- Қызметтерді кеңейту үшін қолданыстағы операторлардың инфрақұрылымын пайдалануға мүмкіндік беретін виртуалды ұялы байланыс операторларының мәртебесін заңнамалық бекіту.

Бұл қадамдар Агенттіктің адал бәсекелестік пен кәсіпкерлік белсенділікті дамытуға жағдай жасауға деген ұмтылысын растайды, бұл қызмет сапасы мен тұтынушылар үшін жаңа технологиялардың қол жетімділігін арттыруға ықпал етеді.

• 19.07.2024
• 193