ЯДРОЛЫҚ ФИЗИКА ИНСТИТУТЫ ҚАЗАТОМӨНЕРКӘСІБІМЕН ЫНТЫМАҚТАСТЫҚТЫ КЕҢЕЙТУДЕ

Ядролық физика институтына «Қазатомөнеркәсіп» ҰАК» АҚ Басқарма төрағасы Мейіржан Юсупов бастаған делегация келді. Сапар аясында Ұлттық атом компаниясының делегациясы ЯФИ-дің ғылыми және өндірістік қызметінің негізгі бағыттарымен танысты. Кездесу барысында Ядролық физика институты мен Казатомөнеркәсіп өкілдері атом саласын дамытуда бірлескен іргелі ғылыми-зерттеу жобаларының келешегін талқылады. Тараптар инновациялық технологияларды дамытуға және ғылыми базаны нығайтуға бағытталған бірлескен бастамаларды іске асыруға мүдделі екендіктерін білдірді.  Соның негізінде 7-11 қазан аралығында Алматы қаласында өтетін V Халықаралық «Ядролық ғылым және технологиялар» форумында ЯФИ мен Қазатомөнеркәсіп арасында ынтымақтастық туралы меморандумға қол қою туралы шешім қабылданды.

• 01.08.2024
• 172