Жұмыссыздарға көмектесу және олардың жұмыспен қамтылуына жәрдем беру үшін былтыр біз «JOLTAP» жобасын іске қостық.

✔️Маңызды бағыттардың бірі – қала тұрғындарын жұмысқа орналастыру. Жұмыссыздарға көмектесу және олардың жұмыспен қамтылуына жәрдем беру үшін былтыр біз «JOLTAP» жобасын іске қостық. Тұрғындар жоба аясында «Баршаға мүмкіндік» модульдік пунктері арқылы табысын арттыру бойынша кеңес ала алады, оның ішінде 52 мемлекеттік қолдау шарасы, жұмысқа орналасуға жәрдем беру, қысқа мерзімді оқудан тегін өту бар.
Жоба түлектерімен және жұмыс берушілермен кездесіп, бастаманың аралық қорытындысын шығардық. Жоба аясында 18,5 мың қала тұрғыны мемлекеттік қолдау шаралары бойынша кеңес алды, 15 дағды бойынша қысқа мерзімді оқуға жазылды және қаланың ірі жұмыс берушілерінің өзекті бос жұмыс орындары туралы хабардар етілді.
✅Қысқа мерзім ішінде 5 мыңнан астам қала тұрғыны оқудан өтті, осылайша жаңа мамандықтарды меңгерді. Сол сияқты 3 мыңға жуық азамат жұмысқа орналасты.
✔️«JOLTAP» жобасы Мемлекет басшысының тапсырмаларын орындау мақсатында жүзеге асырылып жатыр. Жоба аясында «Баршаға мүмкіндік» модульдік пунктері арқылы қала тұрғындары 8 жұмыс дағды (тігінші, модельер-конструктор, бухгалтерлік есеп негіздері, корпустық жиһаз жасау негіздері, сатушы-кассир, электр газбен дәнекерлеуші, бариста, аяқ киім жөндеу) және 7 цифрлық дағды (SMM, сайт жасау, видеомонтаж, графикалық дизайн, мобилография, маркетплейстердегі сауда, таргет) бойынша тегін оқуға жазыла алады.
«JOLTAP» жобасы туралы сұрақтар бойынша 8 707-221-31-31 нөмірі бойынша Call-орталыққа хабарласуға болады.

• 06.08.2024
• 115