ЕХӘҚМ ірі өнеркәсіп орындарымен және астаналық медуниверситетпен ынтымақтастық туралы меморандумдар жасады

«Білім экономикасы және жасанды интеллект дәуірінде әлеуметтік әділеттілікті ілгерілету» халықаралық ғылыми-практикалық конференциясы аясында ҚР Еңбек және халықты әлеуметтік қорғау министрі Светлана Жақыпова «QARMET» АҚ, «Қазақмыс» корпорациясы» ЖШС және «Астана медицина университеті» КЕАҚ басшыларымен ынтымақтастық туралы меморандумдарға қол қойды.

Өнеркәсіптік кәсіпорындармен Қазақстан Республикасында 2024-2030 жылдарға арналған қауіпсіз еңбек тұжырымдамасының жаңа тәсілдері мен тетіктерін іске асыру мәселелері бойынша өзара іс-қимыл көзделген.

Медициналық университетпен ынтымақтастық мүгедектігі бар адамдарды әлеуметтік және кәсіптік оңалту және арнаулы әлеуметтік қызметтер көрсету саласындағы мамандарды кәсіби даярлаудың, қайта даярлаудың және біліктілігін арттырудың жоғары сапасын қамтамасыз ету мақсатында ғылыми зерттеулер жүргізуді, ғылыми әлеуетті арттыруды көздейді.

Меморандумдар еңбекті қорғау және халықты әлеуметтік қорғау саласындағы міндеттерді шешу бойынша өзара іс-қимыл мен тәжірибе алмасуды тиімдірек жүзеге асыруға мүмкіндік береді.

• 04.09.2024
• 98