А. Сапаров: біздің міндетіміз Мемлекет басшысының тапсырмаларын сапалы орындау үшін бар күшімізді салу

Ауыл шаруашылығы министрлігінде Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» Жолдауында айтылған міндеттерді іске асыру жолдарын талқылады.

Жолдаудың маңызды тезистерінің бірі банк секторының, оның ішінде ауыл шаруашылығы саласындағы жұмысы болды. Президент банктерді АӨК несиелендіруге тартуды тапсырды, бұл саланың жеткіліксіз қаржыландырылуы мәселесін шешуге көмектеседі. 2024 жылдан бастап ҚР АШМ фермерлерге төмендетілген мөлшерлеме бойынша кредиттер беру үшін мемлекеттік қаржы институттарын субсидиялау тәжірибесін іске асыруда. Механизм көктемгі егіс және егін жинау жұмыстарын несиелеу кезінде, содан кейін лизингті қаржыландыру кезінде қолданылды. Енді бұл тәжірибені кеңейту міндеті тұр.

«Қазақстанның Қаржыгерлер қауымдастығымен, ЕДБ-мен келіссөздер жүргізу, коммерциялық банктерді АӨК-ті кредиттеуге тарту жөніндегі іс-қимыл жоспарын белгілеу, банктердің АӨК-ті кредиттеуге қанша қаражат бөле алатынын анықтау қажет. Банктер ауыл шаруашылығына несие береді, бірақ жоғары пайыздық мөлшерлемемен. Сыйақы мөлшерлемелерін арзандатудың жаңа тәсілдері және жеңілдетілген несиелеуге көшу саланы тартымды етуі тиіс. Фермерлер үшін несие беру арналары неғұрлым көп болса, жеңілдікті несие соғұрлым қолжетімді болады. Қазір қарыздарды АКК, ӘКК, кредиттік серіктестіктер және басқалар береді, егер ЕДБ келсе, онда фермердің таңдауы одан да көп болады», - деді Айдарбек Сапаров. Ол сондай-ақ фермерлердің ЕДБ несиелеріне қолжетімділігін төмендететін факторларды талдау қажет екенін атап өтті.

Болашақта бұл жұмыс фермерлерді несиелер мен лизинг бойынша пайыздық мөлшерлеме бойынша субсидиялаудан толығымен алшақтатуға және инвестициялық мақсаттар мен айналым капиталын қоса алғанда, түрлі бағыттар бойынша жеңілдікті кредиттеуге көшуге мүмкіндік береді.

Жолдауда Мемлекет басшысы дұрыс емес деректер, басқаша айтқанда, бұрмаланулар ауыл шаруашылығындағы нақты жағдайды бағалауға мүмкіндік бермейтінін атап өтті. Арнайы комиссия қазірдің өзінде артық 2 млн бас ірі қара және 3 млн-нан астам ұсақ мал басын анықтады. Дәл осындай фактілер өсімдік шаруашылығында да анықталды.

«Артық тіркеуді жою бойынша жұмысты жалғастыру маңызды. Өсімдік шаруашылығында да нақты көрініс болуы керек, бұл бізге саланың жұмысын сауатты жоспарлауға мүмкіндік береді», - деп атап өтті министр. Өсімдік шаруашылығындағы деректерді нақты көрініске келтіру жұмыстары ағымдағы жылдың үшінші тоқсанының соңына дейін аяқталуы тиіс.

Сонымен қатар, талқылау барысында ауыл шаруашылығы жерлерін ұтымды пайдалану, ауыл аманаты бағдарламасына қатысушыларды қолдау, сондай-ақ Мемлекет басшысының су үнемдеу технологияларын енгізу жөніндегі тапсырмасының орындалу барысындағы мәселелер қозғалды.

​«Біздің міндетіміз - Мемлекет басшысының тапсырмаларын сапалы және белгіленген мерзімде орындау үшін бар күш-жігерімізді салу», - деп түйіндеді Айдарбек Сапаров.

• 04.09.2024
• 102