Мемлекеттік мүлікті басқару саласында прокурорлық тексеру нәтижелері туралы

Бас прокуратура мемлекеттік мүлікті басқару және жекешелендіру саласында тексеру жүргізді.

Жекелеген жағдайларда мемлекеттік мүлікті сату заңға қайшы келетіні анықталды, сондықтан прокурорлар 4,8 млрд теңгеден астам сомаға мүлікті мемлекет меншігіне қайтару туралы талап қоюларға бастамашылық жасады.

Олардың біреуін сот қанағаттандырды.

Мәселен, 2019 жылы бұрынғы Мәдениет министрі Мұхамедиұлымен үлестес жеке компанияның пайдасына 332 млн теңгеге Су және қолданбалы спорт түрлері бойынша республикалық жоғары спорт шеберлігі мектебі іске асырылды.

Алматы қаласында орналасқан кәсіпорын сатылғанға дейін 662 млн теңгеге бағаланды.

Бұл ретте, мүліктік кешеннің нақты нарықтық құны 1,213 млрд теңгені құрады, сомадағы айырмашылық кәсіпорынның ұзақ мерзімді активтерінің төмендеуінен көрінді.

 Алматы қаласы прокуратурасының талап қоюы бойынша сот кәсіпорынды сатып алу-сату шартын жарамсыз деп таныды.

Сонымен қатар, Астана мен Алматыда прокурорлардың талап қоюлары бойынша бұрынғы Мәдениет министрі Мұхамедиұлымен байланысты компанияларға бұрын сатылған 3,5 млрд теңгеден астам сомаға тағы үш объектіні мемлекет меншігіне қайтару туралы сот талқылаулары жүруде.

Тексеру шеңберінде Ұлытау облысының прокуратурасы Қарағанды мемлекеттік мүлік департаменті басшыларының бірін сотқа берді (Қылмыстық кодекстің 371-бабының 2-бөлігі бойынша – Салғырттық).

Соңғысы мемлекетке 184 млн теңгеге залал келтіруге әкеп соққан мемлекеттік меншік объектісін иеліктен шығару кезінде немқұрайлылық танытқаны үшін  айыпталуда.

Тексеру қорытындысы бойынша Бас прокуратураның ұсынуы бойынша жүйелі кемшіліктер мен олқылықтар үшін мемлекеттік мүлік және жекешелендіру комитетінің 35 лауазымды адамы, оның ішінде өңірлік департаменттердің бірінші басшылары жазаланды.

Мемлекет басшысының ағымдағы жылғы 7 ақпандағы мемлекеттік меншікті иеліктен шығару процестерін жетілдіру қажеттігі туралы тапсырмасын орындау мақсатында және одан әрі бұзушылықтарды болдырмау үшін Бас прокуратура салалық Комитетпен бірлесіп осы саланы түбегейлі өзгерту жөніндегі тұжырымдамалық бастамаларды әзірлегенін атап өткен жөн.

Атап айтқанда, Үкімет бекіткен Жол картасы шеңберінде активтерді тікелей атаулы сатуды және мүлікті кейін сатып алу құқығымен сенімгерлік басқаруға беруді алып тастау, бағаны төмендету үшін жекешелендіру тетігін қайта қарау, сондай-ақ жекешелендірілетін объектілердің құнын есептеудің бірыңғай әдістемесін айқындау ұсынылды.

Бас прокуратураның бастамаларын іс жүзінде іске асыру жекешелендіру процесінің ашықтығын қамтамасыз етуге және сыбайлас жемқорлық тәуекелдерін барынша азайтуға мүмкіндік береді.

• 05.09.2024
• 86