Айдарбек Сапаров Алматы облысындағы Есік жеміс консерві зауытының жұмысымен танысты

Ауыл шаруашылығы министрі Айдарбек Сапаров Алматы облысында жұмыс сапарымен жүр.

Есік жеміс консерві зауытын аралау барысында министр зауыттың заманауи өндірістік желілерін аралап көрді.

Олардың қатарында тәулігіне 600 тоннаға дейін шикізатты өңдей алатын қызанақты өңдеуге арналған «Triowin» желісі, қызанақ пен алманы өңдеуге арналған «Manzini» желісі, сондай-ақ томат пастасын, джем мен пюрені өндіруге және буып-түюге арналған жоғары технологиялық желі бар.
Кәсіпкер Ерік Айдарбаев кәсіпорын тәулігіне 120 тоннаға дейін шоғырланған алма шырынын шығаратынын айтты. Қалайы банкалардың өз өндірісі жолға қойылды.

«Зауыт-заманауи технологиялар мен сапалы шикізаттың бәсекеге қабілетті өнім жасауға мүмкіндік беретін үлгісі. Мұндай кәсіпорындар елдің азық - түлік қауіпсіздігін қамтамасыз етуде, жаңа жұмыс орындарын құруда және агроөнеркәсіптік кешеннің дамуына ықпал етуде маңызды рөл атқарады», - деп атап өтті Айдарбек Сапаров.

Айта кету керек, компанияның 1500 га жеке ауылшаруашылық алқаптары және 10 000 шаршы метр жылыжай кешені бар. Зауыт өнімдері, оның ішінде концентрацияланған шырындар мен пюре, томат пастасы, джемдер мен көкөніс пюресі тек Қазақстанда ғана емес, шетелде де сұранысқа ие.

• 13.09.2024
• 120