Аудан әкімдері қала тұрғындарымен 15 есеп беру кездесуін өткізді.

Әрқайсысына онлайн режимінде де, офлайн режимінде де қатыстым. Қала тұрғындарының сұрақтарының бір бөлігі шешімін тапты.
✅ Мысалы, Байқоңыр ауданының тұрғындары №8 емханаға қатысты мәселені көтерді. Медициналық мекемеге күрделі жөндеу жүргізуді тапсырдым. Сондай - ақ, қала тұрғындарының өтініштері бойынша күрделі жөндеу жүргізу тізіміне №18 "Аяжан" балабақшасы, №87 орта мектепті электрмен жабдықтау мәселелерін шешу және т. б. енгізілді.
✅ Үркер (Есіл ауданы) елді-мекенінің тұрғындары өрт сөндіру депосын ашу мәселесімен жүгінді. Жобалық-сметалық құжаттаманы әзірлеуге кірісуді, содан кейін осы елді-мекенде өрт сөндіру бөлімінің құрылысына кірісуді тапсырдым.
Сондай-ақ, Алматы және Сарыарқа аудандарының бірқатар көшелерінде көше жарығы орнатылды. Абаттандыру, жылы аялдамаларды орнату, асфальттау, апатты ескі үйлерді бұзу, тұрғын үй кешенін жөндеу кестесіне қаланың барлық аудандарының мекен-жайлары енгізілді.
Келіп түскен сұрақтар қысқа мерзімді, орта мерзімді және ұзақ мерзімді болып бөлінді. Көтерілген мәселелер жұмыс жоспарына алынды.
Өзімнің халыққа есеп беру кездесуім 10 ақпанда онлайн режимінде өтеді. Біз үшін қала тұрғындарын қаланы дамытуға тарту, қала тұрғындарының өтініштерін жұмыс жоспарына енгізу өте маңызды.

• 12.02.2021
• 186