ҚМА қызметкерлері Париждегі Паралимпиада-2024 ойындарының жүлдегерлерінің құрметіне бұқаралық спорт іс-шарасын ұйымдастырды.

«ҚМА бұқаралық спорт үшін» ұранымен ауқымды спорттық іс-шараға қатысу үшін елорданың орталық саябағында 200-ден астам қатысушы жиналды. Шараға атақты Паралимпиадашылармен бірге Агенттіктің басшылығы мен қызметкерлері қатысты.

«Біз қазақстандықтардың Олимпиада және Паралимпиада ойындары, сондай-ақ Көшпенділер ойындары саласындағы спорттық жетістіктерінің куәсі болып отырмыз. Бүгін біз дзюдодан үш дүркін әлем чемпионы атанған чемпион Ақмарал Науатбектің қасында тұру құрметіне ие болдық. Сондай-ақ бүгін арамызда әріптесіміз, дзюдодан қола жүлдегер Даяна Федосова бар. Ол біздің елімізді татамиде ғана емес, жеңіл атлетикада да жоғары көрсеткіштерге ие. Біз үздік 10 спортшының қатарына кіріп қана қоймай, түрлі деңгейдегі жарыстардың тұғырына бірнеше рет көтерілген спортшы Бауыржан Арыстанбековті құттықтаймыз. Тұтастай алғанда, салауатты бәсекелестік рухы және жеңіске ұмтылу - біздің айрықша ерекшелігіміз. Бүгінгі жарыс мұны тағы да растайды", - деді ҚМА Төрағасы Дмитрий Малахов.

ҚМА қызметкерлерінің 2,5 шақырымға жаппай жүгіруінен кейін барлық қатысушылар үшін "арқан тарту", "Армрестлинг", "гір көтеру", "Эстафета"сияқты спорттық жарыстар ұйымдастырылды. Жарыс жеңімпаздары медальдармен және естелік сыйлықтармен марапатталды. Айта кетейік, СӨС-ті Агенттік қызметкерлері арасында насихаттауға бағытталған іс-шаралар жүйелі негізде өтуде, олар командалық рух пен ұжымның бірлігін қалыптастыруға арналған.

• 16.09.2024
• 108