Елордада «Elge Qyzmet Run» жүгіру марафоны өтті

Қазақстан Республикасының Мемлекеттік қызмет істері агенттігі және Қазақстан Республикасы Президентінің жанындағы Мемлекеттік басқару академиясы Elge Qyzmet Run спорттық жүгіруін ұйымдастырды. Спорттық шара Академияның 30 жылдығына орай өтті.

Триатлон паркінде өткен ELGE QYZMET RUN салауатты өмір салтын ұстанатын 400 адамның басын қосты. ELGE QYZMET RUN қатысушылары 10 км, 5 км және 2,5 км арақашықтық бойынша жүгірді. Барлық қатысушыға медаль берілді. Абсолютті жеңімпаздарға І, ІІ, ІІІ дәрежелі диплом мен сыйлықтар табысталды. Сондай-ақ жас ерекшеліктеріне байланысты әртүрлі санатта жақсы нәтиже көрсеткен қатысушылар да жүлделі орындар иеленіп, сыйлықтармен марапатталды. 

Жүлделі орын алған қатысушыларға марапатты ҚР Мемлекеттік қызмет істері агенттігінің төрағасы Дархан Жазықбай табыстады.

• 30.09.2024
• 90