Қазақстан Тұрғын үй Компаниясы Атырау қаласындағы «ELORDA RESIDENCE» ТК үлескерлер алдындағы міндеттемелерді толық көлемде орындады

29 қыркүйек күні Нұрсая шағын ауданындағы «ELORDA RESIDENCE» тұрғын үй кешенінің алаңында үлескерлер қоныс тойын атап өтті.

Осыған дейін хабарлағандай, 2023 жылғы 20 маусымда «Қазақстан Тұрғын үй Компаниясы» АҚ «ELORDA RESIDENCE» объектісі бойынша кепілдік жағдайының басталғаны туралы жариялады. Үлескерлердің мүддесі және жалпы өңірдің дамуы үшін Компания тұрғын үй кешенінің құрылыс сапасына ерекше көңіл бөле отырып, нысан құрылысын қайта бастау шараларына белсенді түрде кіріскен болатын.

Ағымдағы жылдың көктемінде облыста болған су тасқыны жағдайына қарамастан, аталған нысандағы барлық құрылыс-монтаж жұмыстары толық көлемде аяқталып, Компания Тұрғын үй құрылысының Бірыңғай операторы ретінде заңнамада белгіленген мерзімде өз міндеттерін орындады.

Ағымдағы жылдың маусым-тамыз айлары аралығында «ELORDA RESIDENCE» тұрғын үй кешенінің барлық үлескерлеріне кілттер табыс етілді. Бастапқыда айтылған барлық техникалық параметрлер, соның ішінде «бизнес» класы сақталған. Бұл жоба бойынша 150 пәтер берілді, 120 үлескер баспанамен қамтамасыз етілді.

• 01.10.2024
• 134