Қарттарға құрмет – ұрпаққа міндет

Халықаралық қарттар күні мерекесіне орай өңіріміздің қазыналы қарттарымен жүздестім. Ардагерлермен пікір алмасып,  құрмет көрсеттік.

Құрметті қариялар!

Сіздерді бүгінгі Халықаралық қарттар күнімен, мейірім мен ізгілік мерекесімен шын жүректен құтттықтаймын! Үлкенді сыйлау, оларға құрмет көрсету – ежелден келе жатқан салтымыз. Сіздер отаншыл болмыстарыңызбен, аталы сөздеріңізбен ел бірлігін сақтауға үлес қосып жүрсіздер. Аға буынның мемлекетіміздің қалыптасуына, елдің барлық бағытта тұрақты дамуына, қоғамдағы ұлтаралық келісімді нығайтуға қосқан үлесі зор. Әсіресе, қайта жаңғырған Түркістан облысының жаңа тарихында есімдеріңіз құрметпен аталары анық. Өткен аптада Мемлекет басшысы Түркістан облысына жұмыс сапарымен келіп, аймақтағы жұмыстарды жоғары бағалады. Аға буынмен, зиялы қауыммен жүздесіп, ауызбіршілікті сақтап келе жатқан ардагерлерге алғыс білдіріп, еңбекқорлықты насихаттауға шақырды. Сіздер осы ұстанымға сай болып, еліміздің, облысымыздың дамуына үлес қосып келесіздер. Осы еңбектеріңіз үшін шынайы алғысымды білдіремін!

Түркістан облысында қарияларымыздың әлеуметтік жағдайын жақсарту бағытында жүйелі жұмыстар атқарылуда. Облыс аумағында 15 «Белсенді ұзақ өмір сүру орталығы» ашылды. Онда 80 мыңға жуық зейнеткер қызмет алып жатыр. Облыс орталығының өзінде осындай 3 орталық жұмыс істейді. Бұл орталықтар барлық қажетті жабдықтармен жабдықталған және орталықтарда арнайы мамандар қызмет көрсетеді.

• 02.10.2024
• 86