Түркістанда тағы бір «Белсенді ұзақ өмір» орталығы ашылды

Мереке қарсаңында Түркістан қаласында үшінші «Белсенді ұзақ өмір» орталығы ашылып, ардагерлерді қуанышқа бөледі.

Қазыналы қарияларымыз Тәуелсіздігіміздің нығаюына, жастардың жүрегіне отаншылдықты сіңіруге үлкен үлес қосып келеді. «Қариялар – ырыс пен ынтымақтың қайнар көзі», дейді дана халқымыз. Облысымызда ардагерлеріміздің әлеуметтік жағдайын жақсарту мақсатында әр түрлі бағытта жұмыстар атқарылып келеді. Соның ішінде «Белсенді ұзақ өмір» орталықтарының маңызы зор. Бүгінгі таңда 15 ауданда орталық ашылып, 80 мыңға жуық зейнеткер тиісті қызметтермен қамтылуда. Бұл орталықтар қарияларымызды қоғамның белсенді өміріне тартуға, денсаулығын жақсартуға және бос уақытын тиімді өткізу үшін түрлі бағытта қызметтер көрсетеді.

Үлкеннің жолы, ағалық ақылы – асыл қазынамыз. Өмірден көргені мен түйгені көп ақсақалдарымызды ардақтау – басты парызымыз. Аға буынның мемлекетіміздің қалыптасуына қосқан үлесі зор. Әсіресе, қайта жаңғырған Түркістан облысының жаңа тарихында да игі істері жазылатыны анық. Баршаңызға амандық, бақ-береке тілеймін.

• 02.10.2024
• 46