Қазақстан мен ЕҚЫҰ халықаралық конференцияда азаматтық тәркілеуді талқылады

Бас прокуратурада ЕҚЫҰ бағдарламалар Офисінің көмегімен «Азаматтық тәркілеу активтерді қайтарудың негізгі тетігі ретінде: қолдану перспективалары мен әлемдік тәжірибе» атты тақырыбында халықаралық ғылыми-практикалық конференция өтті.
Мен, Сыбайлас жемқорлыққа қарсы іс-қимыл агенттігінің төрағасы Асхат Жұмағалимен және Астана қаласындағы ЕҚЫҰ бағдарламалар Офисінің Басшысы Елші Фолькер Фробартпен бірге қатысушыларды қарсы алып, тақырыптың өзектілігін атап өтіп, конференция тәжірибе мен білім алмасудың маңызды алаңына айналатынына сенім білдірдік.
Азаматтық тәркілеу құралын қолдану практикасы мен түрлі елдердің заңдарының өз ерекшеліктері бар, дегенмен олардың мақсаты бір – ол мемлекеттің мүддесін қамтамасыз ету.
Іс-шараға ЕҚЫҰ және БҰҰ ЕҚБ, Халықаралық заңгерлер қауымдастығы (Ұлыбритания), Базельдің басқару институтының (Швейцария) өкілдері, Болгария, Испания және Португалиядан келген жетекші шетелдік сарапшылар, сот төрелігі, құқық қорғау және қаржы мониторингі академияларының басшылары мен ғалымдары, сондай-ақ бейінді мемлекеттік органдардың қызметкерлері қатысты.
Спикерлер шетелдік тәжірибесін ескере отырып, азаматтық тәркілеуді қолданудың өзекті мәселелерін, сондай-ақ активтерді қайтару туралы Заңның негізгі ережелерін, оның ішінде пайда болуы түсініксіз байлық туралы талап қою тәртібін реттейтін мәселелерді сипаттады. Халықаралық сарапшылар бүкіл әлемде қолданылатын сыбайлас жемқорлықпен күресуге бағытталған азаматтық тәркілеу рәсімінің тиімділігі жайлы ұстанымын білдірді.
Сонымен қатар, мен Астанадағы ЕҚЫҰ бағдарламалар Офисінің Басшысымен екіжақты кездесуге қатыстым.
Қазіргі заманғы сын-қатерлерге, оның ішінде терроризм мен адам саудасына, кибер және есірткі қылмысына қарсы іс-қимыл, сондай-ақ сыбайлас жемқорлыққа қарсы күрес жөніндегі бастамаларды іске асыруда одан әрі ынтымақтастықты нығайтуға дайын екенімізді білдірдік.14:49

• 02.10.2024
• 118